MAYSA KA A BITUEN

Maysaka a Bituen

Daniw ni ALEXANDER R. BARUT

Maysaka a bituen

Balitok dagiti rayam

Dinto magatadan.

Iti mangliwengliweng a rabii

Addaka latta a siraraniag

Awan pannakautoymo.

Sinilnagam nariwet a dalan

Inturongmo’t napintas a disso

Umok nabirtud a panunot.

Manglangeb man ti tangatang

Addaka latta a sumirsirip

Manglukais nalayog a tagtagainep.

Gapu’t naidumduma a raniagmo

Naanninawan ti naun-uneg

A kaipapanan ti biag.

Dagidi adu nga arapaap

Tinagtagainep iti nabayag

Dimtengdan kas nalawag a balikas.

Gapu kenka RFAAFIL

Timmadem ti panunot

Limtuad dagiti mamasirib.

Itultuloymo, dimo ipaidam

Rissik kinasirib inka ipaay

Agraniagka, agbiagka, RFAAFIL!