RANIAG TOY NASIPNGET A LUBONG KO

Raniag toy nasipnget a lubong ko  Gapu kadagiti agsasamusam a pakarikutan ti biag Nalidem ti lubong a paggargarawak iti inaldaw Kaslaak tay maysa a billit a naiwawa ken gumawgawawa Agmaymaysa piman a mangtamtaming ti bagbagina. Maysa nga aldaw dimteng ka iti biag ko a diak napakpakadaan Babaen iti kinasayaat mo in-inut a rimmaniag ti aglawlaw ko Dagiti ayat, pammateg ken pannakigayyem nga ipapaay mo Nagserbida a kired ken pigsak iti inaldaw nga panagdaliasat ko. Idi saan ka pay a dimteng iti biag ko Kayyarigak tay maysa a billit a nakadumog nga agmaymaysa Awanan gaway a mangparmek kinaliday a sagsagrapenna Kasla kayatnan ti agsuek ket baybay-an nan bagbagina. Ngem dimteng ka a kas maysa nga bulan Mangted raniag iti nasipnget a rabii Iti kasta malawagan ti dalan a daliasatek Ti desdes nga agturong iti ringgawis ni kinaragsak. Sika ti nagbalin a bulan toy pusok Sinilnagam kabayatan panagtutuok na Ita kayyarigakon tay maysa a billit Nawaya a tumatayab nga agpangato. Duata itan a siraragsak a mangsaranget Kadagiti karit ti biag a dumteng Ammok saannak a baybay-an Ta sika ti inted ti Dios a sarikedked ko.

NO ADDA NAMNAMA

NO ADDA NAMNAMA

No addaan ka iti pannakapnek iti biag

Aglawlaw mo ket naraniag

Agsipud ta addaan ka ragsak a mangsilnag

Iti rikna a narigat nga sumalibukag.

Sige umisemka ket magnaka a sipapakumbaba

Kasta ti tao a napnuan pigsa ken namnama

Ta addaan talek ken ayat iti Namarsua

A sarikedkedna iti agnanayon a panagbiagna.

Agkatawa ka uray agrigrigat ka

Ipakitam nga addaan ka iti namnama

A mangsaranget rigat nga awan pumada

Iti kasta malapdan panagkapsut a marikna.

Saan mo pukawen ti namnama

Ta dayta ti wagas a mangitunda

Iti kalkalikaguman a balligi iti agdama

Maragpat babaen tulong ti Namarsua.

Red Deer Advocate - Filipino

Red Deer Advocate - Filipino

ACTION IS LIFE, INACTION IS DEATH

ACTION IS LIFE, INACTION IS DEATH.

If you are uncomfortable, MOVE.If you are Depressed, move. If You are Ill,MOVE. If yOu are Well, MOVE MORE. Become an INSPIRATION.
The title of my blog is adopted from an Indian Proverb. This is very inspiring because it motivates us to move whatever situation we are in.As stated at the first statement it is very important to move when we are sick,depressed and healthy.Coz if we don't act at all to battle our sickness and loneliness, we are like dead men walking in the street.
On the other hand,if we are physically and spiritually fit,the more that we should do an action for the betterment of our ownselves and others so that we are not useless Human beings.We should be an encourager to those who are down.A helping hand to the needy ones.We should have a compassion to the less fortunate,show love and care to the unloveable.We should have a listening ear to those who are heavy laden. Our moral support is very useful if we can't give financial support.There are many corresponding actions that we can do in every kind of situation.The main point is Move.

I WILL BE HERE

http://www.youtube.com/watch?v=NF8kGYy5MAI&feature=colike

I TURN TO YOU

http://youtu.be/P9wlsg8sYCg

TI NAKAISEM A KARABASA

No sumken ti liday, ugalikon ti rumwar nga mapan agpagnapagna tapno maiyaw-awan ko ti dagensen a marikriknak.Maysa nga aldaw, sabali a dana ti sinurot ko, dalan nga agturong iti maysa a waig nga adayo bassit iti balay mi.Adda nalabsak a balay ti intsik nga iti sanguanan ti arubayan na ket karabasa ti nakamula. Adu ti sabong ken bungana. Diak maawatan toy riknak ta ti panagkitak kadaydiay maysa nga bunga ken sabong ket kasla da is-iseman ti langit." Apay a kastoy ti panagkitak kadaytoy a bunga ken sabong ti karabasa?" nakunak iti bagik. Adda kadi kayat na nga ipasimudaag kaniak?

Diak napupuotan toy bagik, inaprosak dayta a bunga ken sabong ti karabasa.Toy pusok ken kararuak kasla da rimmagsak ket naaddaanak iti baro a namnama ken determinasyon nga ti tao mabalin na ti agbiag a naragsak iti laksid dagiti dagensen ti biag a sumangbay babaen iti panangbaliw iti taray ti panunot ket kitaen tayo ti nalawlawag a kaipapanan iti biag a saan laeng nga ti nalidem ti kitaen tayo. No matmatan tayo dagiti ulep, adda dagiti napuraw ken adda met dagiti nalidem nga ulep nga kasla da namnamsek ket inton saandan mabaelan a bagkaten ti linaon da, ibuyat dan nga isu ti tudo ket sibugan na ti namaga a daga a mangted dam-eg ken kinapresko nga ayamuom ken banglo iti aglawlaw. Sumalibukag dagiti mula, umarikiak dagiti manok iti bigbigat, dagiti tukak tumanagari da kas tanda ti ragsak a mariknada gapu iti kaadda iti danum a paglangoyan da.

Kasta tayo koma met. Saan a maliklikan dagiti parikut a dumteng isu nga nakasagana tayo koma a kanayon babaen iti napigsa a pammati tayo iti Dios iti kasta no marikna tayo nga kasla marpoug tayon, adda Dios a madadaan a kumapetan ken sumalipengpengan tayo ket madadaan met ti Dios a mangsaluad kadatayo. Kas man iti maysa nga upa nga addaan iti piek. No adda peggad ket sallukoban na dagiti piek na babaen kadagiti payak na. Ket no ikamang tayo dagiti dagensen tayo iti Dios, sumayaat ti panagrikna tayo ket maaddaan tayo manen iti ragsak nga awan umasping.

No dagiti pinarsua ti Dios a kas kadagiti billit, tukak kada manok ken dadduma pay ket ammo da ti agragsak, ti tao pay ngata a naparaburan iti nagpayduma a kinasirib ti saan a makabael nga agragsak? No naliday ti linaon ti panunot, aramiden tayo ti kabaelan tayo a mangbaliw iti linaon na. As the saying goes, " What the mind can conceive, we can achieve." No positibo ti linaon ti panunot tayo, makita tayo diay karabasa wenno ania a mula nga is-iseman na ti Dios nga isu't nangpartuat ti lubong.Isu nga umisem ken agragsak tayo ta ababa lang ti biag. Saan tayo nga ammo no ania ti dumteng iti sumaruno a bigat. Enjoy life while we can.